皇馬知道男性球迷對球會忠心，所以冇乜特別「花臣」，最多係球會嘅頸巾同領呔，其餘好似英超球會設好多T恤或者大褸，皇馬都慳番，淨係賣波衫都夠。

相反，球會花咗啲心思喺女性及細路仔市場，除咗有多款女仔T恤，仲有靚靚手袋仔及斜孭袋，至於小朋友方面就更多，由BB啱用嘅奶樽、床仔同公仔，到大個啲要用嘅文具、錢罌等等都齊晒。