一向同Sunny亦師亦友嘅康仔，亦因為呢位好友找到了自己在保齡球以外嘅最愛──釣魚，雖然呢位前輩已過世，但康仔不時都會想起同Sunny釣魚嘅開心回憶。佢話自己雖然曾「符碌」釣咗一條長若手臂嘅大魚，但最難忘都係一次靠實力嘅經歷：「嗰次我記得釣到嘅魚只有手掌咁大，但因為成個過程由頭到尾都係自己一腳踢，所以好有滿足感。」

沉悶玩意有興奮時

釣魚要有耐性，可能坐足一天都冇收穫，「康仔」不諱言確係沉悶嘅玩意：「有時可能悶啲，但有收穫嗰陣就相當興奮，呢點就係好玩之處，亦充滿挑戰性！」他亦指釣魚環境通常都充滿大自然氣息，令自己嘅煩惱可以一掃而空。