早前香港U15足球隊出戰亞洲青少年運動會，因抵達新加坡後有球員被確診，全隊即時被隔離七日，成為國際大新聞。有見及此，今次北京交流團好重視呢班學生嘅健康狀況，以免佢哋抵京後成為「播毒團」，再成各大報章頭條。

衞生防護中心教抗疫

交流團出發前特別搵咗衞生防護中心人員提供講解，重點係學習點樣洗手及其他防疫知識。就讀仁濟醫院第二中學嘅港青排球「自由人」林慧賢就話獲益良多：「之前以為洗手好簡單，但上完堂先知有好多細節忽略咗。原來要洗得乾淨，係要洗足二十秒同有六個步驟，捽乾淨隻手所有部分，絕對唔可以求其！除咗洗手之外，點樣用口罩亦大有學問，好似除低嘅時候，唔好掂到口罩嘅前面，因為細菌會喺嗰度積聚，呢啲都係以前唔知嘅！」

為安全着想，呢班學生喺出發前一個月，就自發性每日量度體溫，而連人多嘅地方都唔去，全因唔想錯過呢個難得機會！喇沙「會考３Ａ、６Ｂ高材生」兼越野隊隊長黎俊文就話：「我哋係喺八百幾間學校推薦出嚟嘅學生，再揀選嘅三十個代表，所以得到今次交流機會絕唔容易，我唔想因為感染而壞咗大事，更怕係會連累埋其他廿九個代表，所以呢排會特別小心身體，確保『零感染』！」

行程安排

20/7 中午 抵達北京

（一） 下午 參觀百工坊博物館、學習手工製作

21/7 凌晨 天安門廣場觀看升旗

（二） 上午 遊覽長城

下午 參觀北京體育大學、學習田徑、武術技術或與競技體校學生共同訓練

22/7 上午 拜訪香港特區政府駐京辦

（三） 上午 北京胡同遊

下午 參觀體育訓練局與國家運動員會面，了解訓練情況

23/7 上午 參觀奧運比賽場館

（四） 下午 學習田徑、武術技術或與競技體校學生共同訓練

24/7 上午 參觀清華大學、學習普通話

（五） 下午 離開北京回港

交流團學生名單

鍾煥露（何蔭堂）、霍倩賢（啟思小）、林慧賢（仁濟二中）、梁文泳（靈愛小）、李樂怡（聖羅撒）、李偉瀧（南屯官中）、麥穎文（上智）、潘嘉煒（大埔鄉中）、王俊（北角衛理小）、黃冠婷（女拔萃小）、陳柳燕（明愛培立）、鄭曉兒（鄧顯）、鍾念慈（基智）、鄧佩儀（基道小）、甘琬湄（天神嘉諾撒）、黎俊文（喇沙）、李康穎（聖保祿小）、蘇澤鈞（英華小）、王凌峰（北角官小）、黃纓淇（體藝）、陳卓彥（農圃道官小）、陳達華（勞工子弟）、張嘉軒（嘉諾撒）、劉詩穎（培正小）、李樂晴（聖士提反女中）、梁雅婷（偉倫小）、李穎欣（屯門卍慈小）、吳宣宏（玫瑰崗）、佘愷曦（譚伯羽）、楊閏婷（瑪利諾）

圖／文：司徒子文