牛仔環索Bull Rope

由草及尼龍混合製成，繩中間有把手位，通常把手位由皮革製造，繩另一端有個可調校大細嘅結，方便套上唔同size嘅牛身上。

牛仔帽Cowboy Hats

由以往遮陽光嘅實用性，改為象徵意義嘅牛仔帽，部分賽事准許牛仔戴上頭盔保護頭部。

手套Glove

手套由厚皮製成，可防止牛仔環索「燒手」，由於蠻牛喺跳躍時力量好大，隨時會整甩手套，所以牛仔手套有特別設計，喺底部可以縛緊手腕防止鬆脫。

保護背心Protective Vest

利用輕身材料製成，主要係減少牛仔跌落地時所造成嘅傷害同痛楚。

皮褲Chaps

通常設計鮮艷，有個人特色，特厚嘅皮褲減少雙腳與牛身因摩擦造成嘅損傷，而且褲腳會有「踩踭」套住鞋底，防止褲管喺騎牛時向上移，弄傷皮膚。

牛仔砵Cowboy Boot

同普通砵唔同，鞋踭有一個牛刺，可以刺在牛皮上，增加平衡力。