RSX係08年北京奧運指定型號，年資較淺，呢隻帆屬於大Size，男子組用高9.5米嘅帆，女子組及青年組（19歲以下賽事）用8.5米帆，板重約15公斤，優勢在可以滑翔，觀賞性高。

IMCO米氏板可能係港人比較熟悉嘅，事關李麗珊96年攞奧運金牌都係用呢款板，但近年被RSX「擊敗」，好多國際賽因為奧運關係都轉咗用RSX，所以IMCO慢慢會被淘汰，呢個型號男女子都用高7.4米嘅帆。

FORMULA特點係帆板速度非常快，原則上帆嘅Size無限制，最大可以到12米，板短而闊，重量只有7.5公斤左右，大風情況下速度相當高，但微風下可能不能作賽。

T293青年專用

T293主要畀年輕帆手比賽使用，依家15歲及17歲以下組嘅世界賽都用呢隻帆板，帆高有6.8米及7.8米，外形同RSX相似，明年嘅青年奧運會就會用呢隻板種。