加入港隊約一年的一班十五、六歲青年隊員，包括「五小虎」郭子謙、譚敏豐、羅靖研、鄧永澔及許家浩，最近就要為今年的十七歲以下組世界風帆錦標賽作準備，青年隊教練陳凱旋稱：「由於明年喺新加坡首次舉行青年奧運會，所以我哋今年特別分配多一啲資源喺呢班學員身上，好似嚟緊八月就有個世界T293帆板錦標賽，呢個板種正係明年青年奧運會指定賽板，而且比賽水準非常高，會有過百帆手競逐，因此我哋要盡早適應同攞料，而明年初就要爭取奧運嘅入場券。」
一周練五天半
除此之外，青年隊部分成員亦要肩負另一個使命，就是參加世界青年帆船賽及世界青年ＲＳＸ帆板錦標賽。過去香港在世青賽贏得不少榮譽，現役精英隊代表何智豪及陳敬然等都曾經係世青賽冠軍人馬，因此一班師弟師妹要將優良傳統延續下去。
由於青年隊員要兼顧學業，所以平日只會一周練兩次體能及兩次海上訓練，但適逢豬流感襲港令大部分學員都已停學，反而可以令他們作full time訓練，比平日多一倍時間，即是一周練足五天半，想不到豬流感都可以帶來一點好處。
提早受訓掌握技術
隨着運動員起步點愈來愈早的大趨勢，在亞洲區穩佔前列位置的香港滑浪風帆隊，近年也將運動員初學年齡由過往的十二歲提早至八歲，好讓年輕帆手能盡早掌握技術，與外國對手一拚。陳
教練稱：「這一代帆手比我哋年代幸福好多，有更好嘅資源，事實上香港有很多具天分嘅運動員，早起步就可以早出成績，而歐洲早已推前運動員嘅學帆年齡，就如○五年世界冠軍嘅西班牙女將芭蘭卡，奪標時只係十八歲，佢當年越級擊敗成人帆手後，同年再參加世青賽，呢啲例子近年已經愈來愈多。」
風帆5小虎
鄧永澔
年齡：15歲
就讀學校：匯知中學
加入港隊：2007年
威水史：09年新加坡RSX青年組冠軍
許家浩
年齡：16歲
就讀學校：美國國際學校
加入港隊：2007年
威水史：09年新加坡RSX青年組亞軍
羅靖研
年齡：15歲
就讀學校：天主教崇德英文書院
加入港隊：2007年
威水史：09年新加坡T293女子組冠軍
譚敏豐
年齡：15歲
就讀學校：何明華會督銀禧中學
加入港隊：2008年
威水史：09年新加坡T293男子組亞軍
郭子謙
年齡：15歲
就讀學校：香港四邑商工總會黃棣珊紀念中學
加入港隊：2008年
威水史：09年新加坡T293男子組冠軍
圖／文：李芷韻