奧尼爾可能係一年貨仔

雖然黃健華一直心儀姚明來扶助占士，但今次騎士獲得奧尼爾加盟，佢亦難掩喜悅之情：「這是一件美好的事，不但加強了球隊實力，還讓占士知道，球隊與他續約會不惜一切，顯示強烈決心！」此外，騎士於剛過去嘅季後賽負於魔術，全因內線不及對手，黃健華亦指出得到「大鯊魚」後，以後都唔使再怕魔術。

不過，黃健華仍會喺明年拉攏姚明過檔，佢相信只要來季「OJ組合」能夠奪冠嘅話，「大帝」就好大機會留隊，若然占士續約，就可以增強姚明加盟嘅本錢。再者，姚明足足後生奧尼爾八歲，所以黃健華仍會視姚明為占士最終拍檔，言下之意，奧尼爾似乎打一年就要走人。