魔術喺東岸決賽KO有「大帝」勒邦占士坐鎮嘅騎士，冇錯係令人覺得有啲爆冷，但當睇到杜域侯活控制晒籃底，牽引住對手，成功分波畀隊友作外圍投射致勝，隊形出晒嚟，就證明魔術真係有料，唔係靠撞彩！

湖人贏在格食格

賽前以為湖人同大打爭氣波嘅魔術會有惡鬥啦，點知魔術去到總決賽成班波走晒樣，除咗因為佢哋季後賽經驗不足之外，最大原因係湖人籃底唔似得騎士咁弱，湖人有加素同拜林助陣，杜域侯活根本發唔到威，外圍就自然冇得發揮，連唯一嘅絕招都用唔到，你話有乜辦法唔輸波呢？

我諗呢個情況可以叫做「格食格」，有啲似愛情，無論幾大男人、臭脾氣嘅男士，抑或幾咁公主嘅「港女」，我深信都一定會有人治到！

Kittak

中學時代被譽為「學界首席沙排明星」，奪獎無數，到入咗城大應用社會學系後更積極參與運動，並擔任NIKE Girl作網上主持人，深受網友歡迎