雖然湖人大巴要到十一時先出發，但據悉早於清晨時分，已有球迷前往斯塔普斯中心及南加州大學體育場等地方迎接愛隊，以免因塞車而錯過偉大時刻。整個洛杉磯市都遍布「紫金顏色」，皆因男女老幼都穿上代表湖人嘅「紫金色」衫，並帶同旗幟及標語一齊祝捷。

「禪師」積遜向fans展示冠軍指環。（美聯社圖片）	加素（左）同高比喺綵帶紛飛下起舞。（美聯社圖片）	數以千計fans喺洛杉磯鬧市歡迎湖人大軍。 （美聯社圖片）

九萬球迷逼爆體育場

湖人嘅巡遊路線全程為兩哩左右，不過戲肉都係目的地南加州大學體育場，皆因九萬球迷坐滿整個運動場，氣勢非常強勁，而湖人亦專程將主場館嘅地板掘起重新鋪一個籃球場喺體育場中央，甚有心思，其中第一個被介紹出場嘅球員，正是中國新秀孫悅。