18/06/2009

播放本新聞相關短片

梅萊新裝挑戰溫網

背負為英國國民重奪溫布頓冠軍巨大期望嘅梅萊，未落場已獲贊助商設計新戰衣造勢，梅萊親身行天橋示範由Fred Perry品牌贊助嘅白色羊毛衫，加白色球衣球褲嘅全新造型。梅萊聲稱目前狀態處於巔峰，有信心成為自一九三六年來首位在溫布頓捧盃嘅英國球手。賽會昨日亦公布今屆種子排名，拿度及沙芬娜分列男女單頭號種子，賽事會喺周五抽籤。