紓緩緊張
有啲人做愛都只係為咗解決性需要，有啲人則認為搞嘢只會消耗大量精力，成日搞更會令男士減壽。其實做乜嘢事情都好，唔識得節制只會弄巧成拙，性事亦都一樣，咪以為密密食好過癮，其實不但傷身，更有可能影響正常生活，一旦唔好彩變埋虧佬，到時真係喊都無謂。
現於澳門中×城夜總會工作嘅白雪表示，其實有規律性生活，對每個人都有利而無害。佢話：「我每日都有男友嘅愛情滋潤，個人不但開心咗，精神狀態好，做乜嘢事情都醒神啲啦！仲有呀！我之前睇過一本雜誌，裏面提到正常性生活對人有好多好處，因為當男女雙方投入咁搞嘢嗰陣，大腦會變得異常活躍，於是增加腎上腺皮質賀爾蒙分泌，腎上腺分泌增加又會刺激人體分泌更多激素，呢啲激素可以令人紓緩緊張，仲會增強免疫力添！」估唔到白雪咁博學喎！
記性更好
原來性愛除咗解決生理需要，仲有咁多好處，難怪索女身邊會有咁多男友喇！先前白雪就話有規律嘅性生活有助紓緩緊張，但其實仲可以提升記憶力，聽吓桐桐點講。
「其實德國一班科學家早已對有關方面進行研究，佢哋首先發現當大腦中嘅複合胺增加時，就會令人嘅短期記憶力增強，然後佢哋再向上百對夫婦，進行一項記憶力與複合胺對比測試研究，結果發現，擁有美滿性生活嘅夫婦，短期記憶力比普通夫婦相對要好，而與之相應，就係佢哋性興奮期間，分泌複合胺亦相對較多。因此科學家相信，複合胺分泌量對改變人嘅記憶力有着重要作用，即係複合胺愈多，一個人就會變得更醒目喇！好似我記性咁好，我認為唔多唔少都有關係。」咁又係呀！家吓桐桐要服侍咁多男友，唔記實佢哋個名同床上嗜好又點得呀！
識得節制
講咗咁耐，相信大家都開始了解，性愛對人體有一定嘅好處，但兩位索女亦不忘再次提醒大家，性愛必須有規律，千祈咪過咗火位，否則就會好傷身。白雪話：「曾經見過一位姊妹，佢本身係一個非常爛玩嘅女仔，早排見到佢個樣又殘又老，問番先知，原來佢每日都同男友玩天光，跟住瞓幾粒鐘就起身返工，心諗佢咁搞法，唔變殘就有鬼。」
至於桐桐就話：「其實『物極必反』呢個道理，好多男人都會明白，但真係有幾多人能夠唔犯上呢種錯誤？講真句，我曾見過唔少玩到五癆七傷嘅男人，多數人明知自己身體狀態唔係好掂，依然照樣去蒲，終於出事變虧佬，就算即時進補都太遲。講到尾，佢哋只係唔識得控制自己。所以，我奉勸各位男士，如果覺得太攰就應該抖一抖，回復狀態先再玩都未遲嘛！」
撰文：娟娟
攝影：Ben