18/06/2009

播放本新聞相關短片

高寶強不幸離世

人稱「阿Cap」嘅南華名宿高寶強，昨日乘的士途中暈倒，送院後證實不治，享年七十九歲。高寶強為香港五、六十年代球星，因曾任香港隊隊長，獲「阿Cap」外號。高寶強與四月底離世嘅林尚義曾為隊友，高寶強都有出席「阿叔」嘅悼念活動，當時精神不錯，豈料昨日亦告撒手塵寰。足總正考慮喺下場港隊比賽之前，為佢進行默哀儀式。另外，南華會向亞協申請，下周二對新加坡內政聯嘅亞協盃，球員臂纏黑紗比賽以作悼念。