湖人贏得總決賽系列首場勝利，著名體育遊戲公司2K SPORT亦贈興，喺新出版嘅ＮＢＡ電腦Game《NBA 2K10》，搵咗高比仔做封面，而且仲喺總決賽休息時間播咗個30秒有關呢款遊戲嘅廣告，好似幫高比攞季後賽ＭＶＰ造勢一樣。
在最新公布嘅福布斯名人榜，一共有四個「ＮＢＡ人」入選，高比仔排第十位、米高佐敦十八、勒邦占士十九、加納特六十二位，呢個評選以名氣及賺錢能力做指標，而2K SPORT亦用高比仔個名出Game。
不過，最搞笑係高比仔喺其中一個封面版本，竟然穿着紐約人17號波衫，高比仔被問到竟被「惡搞」顯得一臉無奈：「都係取消呢個瘋狂設計好啲喎？」設計師，收唔收到呀？