06/06/2009

播放本新聞相關短片

拿度印度開網球學校

世界「一哥」拿度會喺印度興建網球學校，呢間叫做ＮＴＳ嘅拿度網球學校，係由拿度基金同另一個組織合作，學校選址喺南印度，預計今年九月建成，明年六月可以運作，有消息話學校會建四個國際級嘅泥地場，睇嚟「泥地王」希望喺印度發掘接班人喎。依家ＮＴＳ已有一百卅五個申請，佢哋對象係八歲以下嘅小朋友。另外，拿度尋日宣布因傷退出下周嘅王后會盃草地賽。