本文重點
「綠衫軍」靠「毒瘤」喚醒隊友！第五回合「天王山之戰」，塞爾特人前三節一直落後魔術，但尾節憑永不言敗精神反勝九十二比八十八，總成績領先三比二。塞爾特人之所以甦醒逆轉，全因「毒瘤」馬貝利於尾節大發神威攻入12分，喚醒一班低迷隊友，「獨狼」終於做番齣好戲。
「綠衫軍」今仗有主場之利，但首節已陷入苦戰，尤其係魔術射手劉易斯及艾斯頓等人手風唔錯，客隊首節領先二十二比十六。再者，朗度與雷阿倫兩位得分重心今場均表現低迷，結果三節過後塞爾特人落後八分，第四節更一度被拉開十四分距離。
湖人炒火箭40分
不過，馬貝利尾節入替雷阿倫後將形勢逆轉，短短數分鐘個人已攻入十二分，助塞爾特人拉近分差。亦因為馬貝利嘅勇銳，一眾隊友都及時歸位，其中包括雷阿倫尾段射入兩記三分球助球隊反超前，而魔術亦因塞爾特人堅固防守，一度有五分鐘未曾得分，最終塞爾特人贏九十二比八十八。塞爾特人季後賽歷史中，若總成績領先三比二下，從未試過被淘汰，魔術要出線將非常困難。
馬貝利賽後表示：「對我嚟講，今年有得落場比賽已經好開心，皆因上年全程齋坐，所以我非常希望能為塞爾特人衝擊第十八個冠軍。」另一方面，湖人被火箭追平總場數後，尋日返主場即大開殺戒，以一百一十八比七十八大炒缺少姚明嘅火箭四十分之多，同塞爾特人一樣領先三比二。