大家好！我係殷兆俊，成班老友都叫我「蝌蚪」，我係男拔萃籃球隊嘅隊長！兩個禮拜前我打完亞洲學界籃球賽返香港之後，就去咗「半山」做「交換生」。大家冇聽錯，的確係港島半山區做交換生！
做交換生唔使一定要去外國，就好似我哋學校咁，每年都會派大約十個男生，到聖士提反女子中學返學。除咗我之外，今年仲有足球隊主力翁朗、同埋曲棍球隊隊長蕭俊廷，都有份去呢間有一百零三年歷史嘅著名女校學習，實在開心到爆。雖然呢段「女校男生」嘅日子只有短短四日，但我哋都好多謝佢哋嘅照顧，呢個經驗真係令我哋畢生難忘㗎！
如果大家都想做《Campus Eyes》嘅主角，快啲將你哋啲得意相，E-mail嚟sport@opg.com.hk，靚相隨時有機會見報！