一班香港巴塞足球學校的學員與家長，經過十多日的西班牙之旅，都獲益良多，學員增廣見聞及改善足球技術當然不在話下，連家長都有深深的體會。舉家隨三子一同前往巴塞隆拿的名導演張堅庭，認為巴塞足球「不強迫、不處罰」的訓練手法，正正就是本港教育界及家長應效法的教導方法，他更將旅程的點滴片段製成多個版本，希望將理念傳達出去。
圖／文：光頭仔
三子張高翔巴塞受訓
香港巴塞足球學校於復活節期間於巴塞隆拿受訓，並參加一項挑戰賽。張堅庭三子高翔是十四位香港小將代表之一，加上張堅庭負責為球隊拍攝紀錄片，他便帶同長子、二女及太太，一家五口齊齊往西班牙旅行打氣兼體驗。
教育方式值香港借鏡
張堅庭表示，今次與平時有不同體驗：「香港教育太注重結果，忽視咗學習過程，連帶家長都係咁，我見到有人竟然帶埋一支小號，畀個仔一有空檔就練習，我覺得咁唔係太健康。」
經過接近十日的觀察，張導演認為巴塞足球的訓練手法，跟自己的想法十分脗合：「巴塞唔會處罰球員，唔需要過分刻苦體能訓練，球員喺冇壓力下，可以喺球場上盡情發揮。」因此他決定向其他學校推廣這種教育方式。「贏波一齊慶祝，輸波互相扶持，呢啲片段都很值得跟大家分享，我們會將今次拍下的片段製成多個版本，一些會安排喺電視台上播出，一啲會送到學校，希望更多人明白巴塞足球嘅理念，令香港新一代喺更健康嘅環境下成長。」