岩士唐反駁「違規」指控

岩士唐對法國反禁藥組織嘅「違反規則」指控作出反擊，佢喺短片聲明中怒指當局有陰謀，由於佢同環法賽賽會有過節，所以有人企圖以種種原因，阻止佢復出環法賽。該組織喺三月中造訪岩士唐作突擊檢查，抽取頭髮、血液及尿液樣本作測試，但事後指控岩士唐喺檢查期間去沖涼，因而離開檢查人員嘅視線範圍係「違反規則」，會對佢作出紀律處分。