撰文：小德 攝影：強
洗面有秘方
今日搵嚟嘅呢兩位扮靚專家，都係嚟自澳門「帝×桑拿」嘅靚女技師，佢哋一個係21歲嘅娜娜，同埋啱啱18歲嘅玲玲，佢哋兩個有啲乜嘢心得呢？馬上問吓佢哋。娜娜話：「每個女仔都想靚，以為用好多好多嘅錢至可以，但其實唔係囉！」
娜娜話：「我老家咁多年嚟都冇人用過乜嘢化妝品，但係家鄉歷代都出大美人，佢哋靠乜嘢令自己變靚啲呢？無非就係喺飲食上面小心啲，年輕嘅時候千祈唔好食太多煎炸熱氣嘅嘢，避免火氣上升，搞到滿面生晒青春豆，咁樣就手尾長。」
娜娜繼續：「所以我自14歲開始，食嘢就好清淡，去快餐店食漢堡包，我都一定唔會食佢哋啲薯條，所以我成21歲人都冇生過一粒暗瘡，保持塊面又白又滑，至於清潔同護理，我哋從來唔使買啲潔面產品嚟洗面，只用清水就可以。」
用清水就得，唔係嘛？當中一定仲有啲秘密嘅？娜娜一笑話：「咁都畀你估到，其實係有秘訣嘅，我哋洗面係會用三條唔同嘅毛巾嚟洗，咁樣就會乾乾淨淨，白裏透紅。」洗面都用三條毛巾，睇嚟有啲料到喎，快啲講講當中有乜嘢玄機。
千祈咪夜蒲
娜娜話：「我先會用一條厚啲嘅毛巾，用熱水整濕，之後係要嚟敷面，目的係令面上嘅毛孔張開，敷完面之後，就用一條乾毛巾擦面，呢個時候要慢慢擦，將面上嘅死皮，甚至毛孔裏面嘅嘅污糟嘢整走，最後就用浸過冷水嘅毛巾一抹就搞掂。」
用凍嘅毛巾抹面可以將毛孔收番細，咁樣冰火洗面，真係想唔靚都幾難，娜娜話：「咁樣嚟洗面效果又好，又唔使用幾多錢，絕對值得推介畀啲姊妹。」
至於另一個只得18歲嘅靚女玲玲，又有乜嘢高見呢？玲玲話：「最好嘅美容方法就係有充足嘅睡眠，我咁容光煥發，全因為一日瞓足八個鐘，唔係都冇咁靚女。」人人都瞓八個鐘，但有啲人瞓極面色都好差喎！玲玲話：「唔去夜蒲咪得囉！」玲玲繼續：「我哋做呢行，比較夜收工，但收工之後，好多姊妹都唔願瞓覺，走去酒吧或者的士高繼續狂歡，一唔夠瞓，就會搞到啲皮膚差晒，使多多錢都醫唔番，所以我叫啲姊妹放工後唔好再去蒲，一於修心養性，返宿舍好好瞓一覺最實際。」
最緊要夠瞓
咁樣生活咪好悶？玲玲話：「冇人叫你唔去玩，你咪一個星期去一兩日囉！晚晚去玩，一玩就通宵達旦，簡直又嘥錢又嘥時間，最重要係嘥埋瞓覺嘅時間，令體質轉差，身體一差，首當其衝就係皮膚色澤暗淡，成個人冇晒光彩。」
咁除咗睡眠要充足之外，仲有乜嘢可以輔助一下呢？玲玲話：「當然係要有開心嘅人生，日日笑容滿面，保持心境開朗，皮膚自然都會好啲。你試想吓，一個終日愁眉苦面嘅人，佢啲皮膚靚極都有限，所以乜都假，保持開朗嘅心情最重要。」
優質嘅性生活，又有冇幫助呢？玲玲一笑話：「當然有幫助，每次優質嘅性生活，都能夠令女性嘅面色紅潤，唔使用化妝品，都能夠令皮膚散發光澤，所以我會好重視每次嘅性愛，盡量將質量提高，咁樣男友又開心啲，而我又會靚啲。」
所以話女人想有幾靚，係同佢嘅付出成正比嘅，可以用好多嘅錢去保養皮膚，又或者學兩位囡囡咁樣，從注意自己嘅日常生活開始，例如飲食、睡眠、心境等等。當然生活嘅限制多咗，但可以變靚啲，又有乜所謂，囡囡們，加油呀！
娜娜Profile
年齡：21歲
三圍：34、23、33
興趣：洗面
玲玲Profile
年齡：18歲
三圍：33、23、33
興趣：瞓覺