政情：公民講場：零售資助一味拖政府幫忙變倒米

受反修例風波同新冠肺炎雙重打擊，重創零售業，政府早前話為業界提供資助，但計劃詳情拖到依家都未公布，聽聞話要遲幾日喎。水深火熱，業界急如鍋上螞蟻，批評飲食業同旅館業已經開始申請同獲發津貼，反而零售業就一味拖。依家唔少商店執咗笠，有啲係靠員工放無薪假嚟頂住，但係商務及經濟發展局局長邱騰華就歎慢板，佢係咪想見到更多店舖執笠呀？政府話要幫，佢放軟手腳，擺明係倒米。