喺日本推出性感寫真集並唔係寫真女優嘅專利，唔少樣靚身材正嘅模特兒亦會出寫真集，將其高挑又弗爆嘅極品胴體盡情賣弄一番，最近日本知名時尚模特兒藤田Nicole就推出首本寫真集，騷一騷自己副誘人胴體。
相信好多人同小弟一樣，都會覺得混血兒有一種神秘嘅吸引力。喺日本寫真界中，亦曾經出現過好多出色又火辣嘅混血兒女優，好似小林惠美、Leah Dizon等等，最近首次推出寫真集嘅藤田Nicole亦係其中之一。
佢父親係一位俄羅斯同波蘭混血兒，不難從其身材發現到歐美女性嘅影子，因為阿妹身高有成5呎6吋，雖然唔算話高得好緊要，但係由於四肢同腰都纖幼，睇落更見高挑。而佢母親就係日本人，難怪樣子如此可愛且五官標致，氣質青春嬌俏，笑起上嚟可愛到令人大感滋潤，唔笑就顯得風情萬種，深具攝人神韻。
2009年佢參加由時尚雜誌《NICOLA》主辦嘅選美活動，成功從14,000位參賽佳麗中脫穎而出，繼而成為雜誌5位新紮專屬模特兒之一。而Nicole自此成為好多年輕女性心目中嘅潮流教主，其IG有成310萬追蹤者，而Twitter亦有256萬Followers，從兩呢個驚人數字就可以反映出其人氣同知名度有幾高。
作為名模，藤田Nicole出寫真集當然唔可以求其，所以專登飛去環境優美又具熱帶風情嘅峇里取景，而受到當地嘅熱情氣氛影響，令佢心情放鬆又興奮，出股惑大露圓潤又上翹嘅極品美尻，亦會赤裸上半身，只以玉手遮掩住重要部位，為大家獻上出道以來露出度最高嘅演出。
簡介：藤田Nicole不時會喺社交網上分享化妝同打扮心得，同時會分享個人工作動態，想留意佢嘅新消息，就要Click入去睇。
網址：https://twitter.com/0220nicole
出生日期：1998年2月20日
身高：5呎6吋
三圍：32D-24-33
撰文：賢