科技日新月異，愈來愈多網絡罪行出現，警方單係舊年已錄得超過七千八百多宗科技罪案，總損失金額高達廿七多億元，較前年上升近一倍。創新及科技局局長楊偉雄尋日喺立法會話，面對黑客攻擊，當局有聘請「白客」有道德咁測試政府系統，可惜「道高一尺、魔高一丈」，要做好教育工作先喎。聽落好似政府都認輸咁喎！如果連局長都無信心打擊黑客，唔通業界同埋公眾只能靠自己？
