中環出更：當年入境處前輩 曾國衞繼續叫葉劉Madam

曾國衞話自己當時仲好「細粒」，膊頭只得兩粒「花」，直言葉劉係佢好尊重嘅前輩，即使佢唔再係其上司，都繼續叫佢做Madam。另外，身形向來標準嘅曾國衞竟然話要開始減磅，事關新年食得多、運動少。

同場仲有上任一個多月嘅審計署署長朱乃璋、將於下月底卸任嘅申訴專員劉燕卿。今次係朱乃璋第一次參加立法會午宴，而劉燕卿就最後一次參加，佢話已經工作咗四十三年，係時候退落嚟，退休大計會採取「無為而治」，即係交晒畀女兒話事。依家暫定六月去澳洲旅行，另外希望學習書法令到心境可以平和咁話。

葉劉淑儀	蔣麗芸（紅衣者，圓圖）一到場就與林正財密斟。（溫國佳攝）	劉燕卿最後一次以申訴專員身份參加立法會午宴。

立會新春午宴 泛民全體杯葛

着到紅噹噹、充滿節日氣氛嘅議員蔣麗芸，一入場就捉住行政會議成員林正財傾偈，坐低後又與同枱嘅教育局局長楊潤雄雞啄唔斷。蔣麗芸就話現時醫療同教育都需要改善，好似醫護人手不足、課程檢討等，果然識得把握機會直接表達意見。

午宴歷時一個多小時完結，今次只得三十六名議員參加，全數為建制派，泛民全體杯葛。立法會主席梁君彥就祝願未來一年諸事順利、身體健康，議員和諧共處，行政與立法機關能互相尊重、各司其職。

卓妮