電腦殘舊拒更換 工會轟九巴孤寒
【本報訊】九巴電腦派更系統昨日發生故障，影響市民乘搭巴士上班。除引發市民怨聲載道，原來九巴司機亦「一肚氣」！九巴僱員工會主席郭志誠表示，上述派更系統所使用的電腦設備殘舊，他炮轟九巴「孤寒」不願更換電腦，以致經常發生電腦未能支援系統容量而屢現故障。
只顧公司形象 不理實際需要
郭志誠直斥九巴寧願花錢建立公司形象，亦不願向內部運作投放資源如更新電腦設備，「做騷嘅錢就捨得使，但對內部（需求）又唔捨得。我哋以往有要求過換電腦但冇回音，咁簡單但重要嘅嘢都唔捨得換！」他又提到部分新人不熟悉人手派更的運作，電腦系統故障就容易產生混亂，結果往往令車長捱鬧。郭說：「系統冇咩問題，但電腦硬件舊。電腦一支援唔到系統，車長就攞唔到路線表，佢哋都唔知揸（車）去邊。一開唔到車就遲咗出車，最前線嘅車長就畀市民鬧！」
車長疑趕開工 廠內跌倒送院
九巴系統故障影響大量市民上班，但有車長亦因此懷疑受害，需要於各車廠大排長龍等候。Facebook群組「巴士的事討論區」昨上載相片，見到一名九巴車長橫躺在地上，消息指事發為昨早五時半，該名車長於九龍灣車廠取「飛單」後，疑因急於趕登工程車開工而跌倒，更需要召喚救護車協助。
九巴發言人回應事件承認該車長昨早四時五十分時，在九龍灣車廠內跌倒。當時該車長於車廠派更組報到後，準備離開，不慎跌倒在地上受傷，送院治理後已經出院。