塞爆屯門公路轉車站 近千人罰企句鐘

【本報訊】「咁耐都未有車!」「遲到啦,點算好!」九巴及龍運昨晨改用人手派更措施,導致班次嚴重脫班,令原本於繁忙時間已經人頭湧湧的多個車站,逼上加逼大排長龍。數以千計上班族及學生呆等近句鐘仍「未有車搭」,群起鼓譟鬧爆,有乘客更不滿九巴無及早公布事件,認為被玩殘。

巴士到站未能登車 群情鼓譟

昨晨七時許,九龍及新界多個車站,包括紅磡隧道轉車站、屯門市中心各車站等,均受事件影響而大排長龍,其中屯門公路轉車站出九龍尤為壯觀,有近千名乘客滯留,當中263號線更有人滿之患,人龍由站頭排到站尾。雖然有巴士前來載客,但班次明顯較疏落,而且車廂均已爆棚,因此未能疏導人潮,大部分乘客眼見良久未能上車,群情洶湧鼓譟,有人怒吼稱:「有無搞錯,咁耐都未有車!」「遲到啦,點算好!」幸好秩序大致良好,多名警員及九巴職員在場維持秩序。

期間一度發生「打尖」風波,當時有兩名青年直接走到「隊頭」等轉車,引起後方姓陳男乘客不滿。據陳表示,當時他欲轉車往九龍城上班,惟等近一小時仍未有車,令他上班「遲大到」。豈料,竟有兩名青年疑趁機「打尖」,他隨即向對方質問:「佢哋話係司機叫佢哋落番車嚟等,其實同佢哋一齊落嚟嘅有十幾個人,但其他人都係守秩序行去隊尾。」經過一番擾攘,兩名青年終離開「隊頭」。

「按原定時間出門 大失預算」

另有候車乘客對九巴安排極為不滿,姓梁女乘客稱,她擬轉車往沙田小瀝源上班,平日候車僅十多分鐘,惟昨日等了四十分鐘都未有車,而且人龍長得誇張,她不滿九巴沒有及早告知事件,令她大失預算,她又稱:「我落到樓下等車,睇個App顯示行車受阻,當時都唔知咩事,係之後睇新聞先知(九巴電腦故障),希望九巴可以早啲通知乘客。」另前往尖沙咀上班的姓謝男乘客稱,「出門前都未知事件,按原定時間出門,詎料等候多時都未有車」。

第一手消息請下載on.cc東網iPhone/iPad/Android/Windows Phone Apps