中環出更：鄭若驊拒答豬年會否檢控黎智英
「放生黎智英、唔告梁振英」而遭全城炮轟嘅律政司司長鄭若驊，尋日出席一個新春酒會時，被問到「點解唔檢控黎智英」及「豬年新一年會唔會檢控黎智英」，鄭若驊都冇回答，當聽唔到咁同在場人士握手。
醜聞纏身 民望低迷
外界質疑壹傳媒黎智英涉黑金捐款、佔領行動及涉刑恐東方報業集團記者拖延逾一年半而遲遲未被檢控，但仍遭放生，而鄭又唔告前特首梁振英涉收取UGL五千萬元案，加上鄭涉嫌隱瞞僭建地庫向銀行申請按揭一事仍未能「甩身」，醜聞纏身搞到民望低迷。
前年六月四日，黎出席六四祈禱會後，突走到一名在場進行正常採訪的東方記者前面，一邊用右手指着其面部，一邊用粗口辱罵，並以「×你老母×」、「我實會搵人搞×你」、「我影×咗你嘅相」等粗言恐嚇，事件有相有片，證據確鑿，受害男記者亦已報案，並先後多次去信追問律政司的進度，惟只是得到有關方面虛應「Hea答」。直至去年八月中，黎終被警方重案組要求錄口供，惟案件拖延逾一年半，律政司仍未提出檢控。
鄭若驊尋日喺活動上仲有份「偷步」提早切燒豬，事關一影完大合照後，有人大叫「嚟啦喎」，鄭若驊、政務司司長張建宗等人就即刻切燒豬，切完之後司儀先至叫大家切燒豬，真係搞亂檔。
卓妮