政情：賀歲波賣座 貝鈞奇話球迷太餓
農曆新年慣性拜年外，大家都總會搵啲節目，唔少球迷就會選擇入場睇賀歲波。香港足球總會（足總）副主席貝鈞奇早前出席一個活動，講起賀歲波都相當興奮，佢話今年大年初一同大年初三嘅賀歲波搞得特別好睇，全因球迷已經餓咗兩年喎！
貝鈞奇話，搞賀歲波往往唔係好賣座，球隊吸引力唔同以前，如果冇贊助商就好困難，過往好難搵到球會肯搞，球會唔肯，就變成足總自己搞，咁有啲柴娃娃於是乎餓波餓咗兩年，今年就有球會主動搵贊助商，加上足總幾方面合作，所以今年大家就一齊搞好足球嘞。
自己都買唔到靚位
佢話，今年有包括來自日本同山東嘅外隊，票房反應都算理想，佢都買咗最少二百張波飛送畀鍾意足球嘅朋友，希望鼓動多啲人參與，但因為票房唔錯，所以有啲靚位，就連佢自己都未必買到喎！