政情：公民講場：垃圾徵費未拆彈 黃錦星扮有人撐

近年政府推出唔少有關減廢政策，不過往往弄巧成拙，好似去年推出嘅「四電一腦」廢電器電子產品生產者責任計劃，就變相搞到廢電器圍城。環境局局長黃錦星都未拆完彈，又再有新動作，事關政府計劃最快喺明年底落實都市固體廢物徵費措施。雖然早前已經有政黨及立法會議員明言，擔心垃圾徵費實際上難以執行，反令非法棄置問題加劇，搞到垃圾圍城，不過黃就好似借咗聾耳陳對耳咁，喺尋日嘅電台訪問中死撐措施獲主流民意支持，又話嚟緊會推行膠樽回收獎賞先導計劃，真係治標唔治本。黃有時間嘅話不如多啲聽意見、諗清諗楚計劃執行細節好過啦。