政情：赴台大放厥詞 李漢奸侈言一國兩制
外號「李漢奸」的民主黨創黨主席李柱銘，尋日應台灣中華港澳之友協會邀請，赴台大談香港落實「一國兩制」嘅問題。李漢奸話，中央於一四年首次就香港「一國兩制」落實發表白皮書，講明「中央政府對香港擁有全面管治權」，呢種說法同原版一國兩制「走了反方向」。因為中國前領導人鄧小平所說嘅一國兩制，係「港人治港、高度自治」，同「中央全面管治權」係完全唔同嘅概念。
成日唱衰香港 畀網民反寸
不過有網民就反寸話，鄧小平講明香港唔可以成為反共基地，李漢奸係咪忘記咗？真係講得好，李漢奸自己成日到外國唱衰香港，竟敢侈言仁義道德？
李漢奸又提到，中央同香港就好似父子一起坐搖搖板，大嘅一定要幫細嘅盡量靠向中間，中央如果執行上述對港政策，就好似喺板嘅盡頭，無法平衡，呼籲中央要返到鄧小平所講嘅一國兩制，喺中港之間建立互信。至於兩岸統一問題，佢話若北京希望用香港模式統一台灣，相信有困難。