政情：黃錦星騎劫教育頒獎禮 硬銷垃圾徵費

都市固體廢物收費條例草案委員會主席馬逢國亦在場。

又提番零電費威水史

長達大概八分鐘嘅致詞當中，黃錦星就不斷向一眾得獎學生、家長同老師介紹環保政策。佢指近年颱風「天鴿」及「山竹」為市民帶來好多啟示，令市民知道減碳好重要。黃指，近年本港人均廢物量不斷上升，淨係廚餘都多其他國家幾成、甚至一倍，「所以推出咗『大嘥鬼』」。跟住又提番自己「零電費」嘅威水史，大講環保如何影響下一代，政府亦有多項環保藍圖正一一落實，其中即將面臨嘅挑戰就係垃圾徵費。

• 黃錦星喺一個教育頒獎禮上大力推銷環保政策。（何瑞芬攝）

佢話台灣同南韓推出垃圾徵費之後，整體垃圾量大減，市民更加環保，希望咁多位學生都可以支持，又話以垃圾徵費草案列出嘅規定，以後三人家庭每月收費約二十至四十蚊，仲即場問台下學生知唔知一杯珍珠奶茶幾錢？「一杯都二、三十蚊，都成個月垃圾費啦！」邀請佢嚟嘅資優教育基金主席馬逢國亦正正係草案委員會主席，聽到黃錦星喺教育場合咁「Hard Sell」，唔知有乜嘢感覺呢？