做日本男人好幸福，一來日本靚女多，二來可以幫襯風俗孃，三來佢哋仲有情婦！寫真界美艷輕熟女橋本愛實就有「國民情婦」之稱，除咗佢之外，最近又多一位情婦，佢就係風韻與身材都唔會輸畀橋本愛實嘅園都喇！
小弟早年曾經朝思暮想一個女仔，對方係一位夢寐以求嘅小家碧玉型，呢個女仔斯斯文文又談吐溫文，之但係勢估唔到佢原來係人哋嘅情婦，仲係佢主動去做第三者，當我知道真相後就好憎恨世間上嘅情婦！然而，當我見到一位情婦索得咁交關，恨意都消減得八八九九，因為呢個情婦就係園都。
今年26歲嘅園都，韻味比較成熟，好彩呢種味道只係淺淺淡淡，加上秀氣十足，同時又帶點妖媚姣味，融匯而成嘅係一種叫男人神魂顛倒嘅攝人魅力！此外，佢肌膚雪白嘅胴體極為火辣，身材曲線玲瓏，胸前一對天然G奶富彈性又堅挺，難怪出道拍寫真以來人氣不斷上升。
園都憑住激凸身材及迷人面孔喺寫真界成功上位，其妖媚風韻更令佢被稱為「壇蜜二號」，不過個人就覺得阿妹比壇蜜更加索喇！講到壇蜜，出道之後發展得相當唔錯，除咗拍寫真，亦參與唔少電視節目演出，其中最引起話題嘅就要數到佢喺一個介紹溫泉嘅節目《秘湯ロマン》出浴，若隱若現嘅魔鬼身材令不少男士睇完再睇，回味無窮！
之前提到園都被稱為繼橋本愛實之後嘅最新「國民情婦」，而二人嘅發展路線亦甚為相似，愛實由寫真妹身份踩入影視界發展，至於園都最近亦參與拍電影，進軍電影界當然值得為佢高興啦，但係希望阿妹唔會好似愛實咁忘記一眾寫真迷啦！
簡介：園都唔單止勤力工作，亦會好頻密地向大家透露最新工作動態，如果大家想知道阿妹最近忙緊乜，就要Click上去睇睇。
網址：https://twitter.com/sono_miyako?lang=ja
年齡：26歲
身高：5呎
三圍：36G-24-35
撰文：賢