政情：公民講場：派表甩轆擾民官僚 張建宗又認衰

政府派錢都派到天怒人怨，補鑊派四千蚊嘅關愛共享計劃開始派發申請表即甩轆，冇表攞不特止，仲要市民自備白紙去印表格，署理行政長官張建宗尋日回應呢件事，話「要市民自備白紙列印真係講唔過去」，認為要作出改善。張建宗唔係今日先做官，而係做咗幾十年，點解政府做嘢永遠都冇吸取教訓，不斷重蹈覆轍，而係搞到咁擾民，錯咗先去補鑊，好明顯係官僚作祟喇，要改善嘅話首要就係要徹底杜絕呢種歪風。