政情：公民講場：答唔出歐盟規定 陳帆 李萃珍高薪低水平

去年大埔公路發生巴士翻側致命車禍，但係政府至今仍然容許巴士車長特別更長達十四個鐘，有立法會議員尋日考問運輸及房屋局局長陳帆，知唔知歐盟對車長最長嘅工時規定，陳帆似乎唔識答，將個波拋畀運輸署副署長李萃珍，但係李就淨係講，歐盟規定係低少少，似乎想敷衍了事，結果被議員狂鬧兩人水平低，但係車長工時過長就好似第三世界。議員真係冇鬧錯，港府官員嘅薪酬之高幾乎喺全球名列前茅，不過工作表現就同份人工唔相稱，同本地車長工時一樣，係第三世界水平就真。