公立醫院長期逼爆，醫護人手不足係老問題，加上依家正值冬季流感高峰期，令到醫護人員工作量百上加斤，然而，食物及衞生局局長陳肇始似乎對此束手無策，尋日接受電台訪問時只係重複話已經預留資源做兩個十年建院計劃。正所謂「遠水不能救近火」，十年咁長時間，公營醫療系統隨時爆咗煲唔知幾多次，難怪陳肇始要「補飛」打人情牌，話尊重同尊敬醫護人員喺節日「捱義氣」返工，唔通護士出身嘅陳肇始，覺得呢招對前線醫護人員最有用？
