全方位戲劇教學 創藝課程助圓光影夢
【本報訊】九十後的唐浩然（阿糖）從小熱愛電影，早已有志投身影壇，輾轉間在中四時報讀仁濟醫院董之英紀念中學，原因是他從朋友口中得知，學校提供戲劇教學，「好似見到希望，可以實現自己夢想，所以就決定嚟讀。」董之英提供的創藝課程在香港非常少有，當中包括演戲、攝影及導演等學習機會，學校也會定期拍攝電影，令阿糖有機會發揮所長，「當時唯一有好大動力返學就係每日放學後可以寫古仔，又或者剪吓片、拍吓嘢。」
「懸疑片嚇到人 覺得好成功」
阿糖在創藝課程獲得機會，擔當電影製作中的不同崗位，如攝影、燈光、導演等，「我最享受就係攝影，因為覺得拎住機拍低好靚嘅畫面已經好夠。」他所負責攝影的作品也得到外界認同，「係懸疑片嚟，有啲驚嚇成分，喺禮堂播去到緊張情節真係嚇到好多人，我覺得咁樣好成功。」
阿糖在後來的學校電影中擔任男主角，負責創藝科的老師李頌華，憶述阿糖當時表現出色，「佢（阿糖）喺成個試鏡中係最高分，我哋都好順理成章咁揀佢成為電影男主角，其實唔只咁，因為我哋發覺佢思考都好聰明，我哋甚至將一啲角色編畀阿糖去寫，由佢自己去演繹嗰個角色。」
李頌華以「孤獨的創作家」來形容以前的阿糖，但指對方在學習拍電影過程令自己明白到合作的重要性，「佢（阿糖）好快就領略到電影無可能係由一個神童做到，而係由一班人去做，見到佢做人處事都圓滑咗，我好欣賞佢，佢創作嗰把火係從來都冇熄過。」
今天的阿糖仍然正為自己的夢想而努力，他在完成中學課程後入讀大專電影課程，畢業後與朋友合組製作公司，「我嘅夢想係可以繼續喺電影行業打滾，有機會嘅話可以拍到一部好好嘅電影，而且係有好大回響。」