Party Life：樂善頌賢：愛心獎頒獎典禮

第十三屆愛心獎頒獎典禮早前喺灣仔會展中心舉行，共有七位來自內地及台灣嘅愛心楷模獲獎。今屆得獎者來自多個唔同界別，包括有名模、名醫及享譽國際嘅聲樂家，儘管職業唔同，但係大家嘅共同點係胸懷大愛，善行令人動容。

享譽國際嘅聲樂家簡文秀（右二）獲頒愛心獎，佢嘅提名人係台北科技大學校長王錫福（右一），咁啱佢夫婿葉寅夫（左二）都係校友，身兼台北科技大學香港校友會副會長嘅港澳台灣慈善基金會副主席林俊杰（左一）當然要出面熱情招呼。（溫國佳攝）

港澳台灣慈善基金會主席張佐民（左二）及太太（右二）帶埋女兒張兆馨（左一）及兒子張兆熊（右一）齊去見證頒獎禮。	回收星級酒店食肆剩食贈予基層人士嘅膳心連創辦人黃林碧瑢（中），同愛心獎創辦人林添茂（右）及「私人貸款之父」張炳煌（左）相識數十年，講起做善事十分啱嘴形。	港澳台灣同鄉會前會長賴李承美（中）及女兒賴明潔（右）、藝育精英理事定如凈（左）都去聆聽得獎者嘅感人故事。
智行基金會創辦人杜聰亦曾經獲頒愛心獎，當晚特別抽空參與盛會。