政情：公民講場：長者綜援年齡擬收緊 羅致光衰孤寒捱轟

香港人口老化，長者福利政策愈嚟愈重要，勞工及福利局局長羅致光早前就話，嚟緊多項福利開支有增幅，聽落好似係好消息。不過尋日就有指政府可能喺下月一日起，收緊長者綜援嘅申領年齡，即係由現時六十歲上調至六十五歲，令有意申請長者綜援嘅六十至六十四歲長者或只能申請金額較少嘅健全成人綜援。有立法會議員就鬧爆政府孤寒、唔敬老，有錢就拎去做大白象工程。查實近年好多聲音都要求將長者福利如兩元乘車優惠等嘅申請門檻由六十五歲下調至六十歲，政府依家可以話係反其道而行，唔通真係要慳埋啲錢用嚟填海？