政情：公民講場：講假設多過做實事 岑智明唔教人防災

超強颱風山竹襲港至今已超過三個月，天文台台長岑智明尋日出席電台節目回顧今年嘅天氣時就話，如果山竹冇經過菲律賓呂宋而直入南海，維港同吐露港風暴潮分別可達五米同七米，部分今次水浸嘅地區可能會沒頂。岑呢番說話喺過去三個月每個月都講一次，但就冇講萬一出現咁嘅情況市民應該點做或如何防災。岑與其不斷講咁多假設情況，不如下次講吓如果個風直吹香港應該點做預防措施仲有新意啲。