凡事講程序及制度，先可以服眾。內地非洲豬瘟來勢洶洶，漁護署原本同香港豬農喺應對疫情上有分歧，但該署助理署長薛漢宗尋日就講明幾時需要殺豬，交代喺唔同情況下，要殺幾多，封鎖範圍要幾大等，制度清晰透明，最終豬農收貨。管理禽畜嘅部門都明白制度嘅重要，但係管理法治嘅律政司司長鄭若驊竟然唔將制度放在眼內，為應對律政司唔檢控前特首梁振英UGL案嘅爭議，竟然隻手遮天擅改外判或徵詢獨立法律意見嘅準則，惹來各界炮轟，相比之下，鄭嘅為官作風真係連殺隻豬都不如呀！
