外界炮轟安老院監管疏漏，喺申訴專員公署主動調查後，狠批社會福利署監管法例過時，檢控同巡查次數低，更發現有院舍疑虐老致死，其中提及大埔有私院一五年被揭發安排長者喺露天平台「剝光豬」全裸或半裸等待洗澡，雖然喺不獲續牌後結業，公署發現社署之前只係不停發警告，根本毫無阻嚇作用，執管寬鬆。安老院顧名思義係令長者得到安居，但因社署闊佬懶理，把關不力，搞到安老院變虐老院，依家公署鬧得咁甘，社署孭晒鑊，署長葉文娟究竟醒未呀？
