港珠澳大橋通車後，旅客逼爆東涌，政府孭晒鑊，被鬧爆處理不當兼冇發展人工島經濟。多名立法會議員尋日炮轟人工島上蓋嘅規劃發展做得好差，指大橋已喺○二年規劃，但人工島上蓋竟拖至一五年先規劃，政府對大型基建欠缺周全考慮，但係發展局局長黃偉綸回應時竟然話對前政府嘅智慧難以作詳細辯解，而上屆政府亦已認為人工島上蓋有需要發展，並因此密鑼緊鼓工作。黃偉綸竟然將責任賴晒畀前政府，但又攬番佢上手發展局局長馬紹祥喎，睇得到佢都有智慧，特別喺卸膊呢瓣呀！
