政情：公民講場：話行政立法關係有改善 梁君彥只顧自己臉上貼金

立法會主席梁君彥尋日宴請一眾高官，佢作為主人家致詞時就自誇一輪，話立法會通過嘅法案同撥款有所改善，好似上個立法年度通過咗廿七項議案，足足比之前通過嘅十三項議案高出一倍喎，所以結論係行政立法關係有所改善，真係好高興呀。不過，立法會能夠如此順暢，全因有六名民主派議員被取消議員資格，畀機會建制派修改《議事規則》，同行政立法關係改善全無關係，梁君彥講啲唔講啲，只顧為自己臉上貼金。