政情：梁耀霖重返旅議會做理事
旅遊業議會前日舉行周年大會，改選四名由選舉產生嘅理事，今次共有六人競逐四個理事空缺，結果旅行社董事羅啟邦取得四百一十三票，以高票成功連任理事，至於曾任旅議會副主席嘅香港入境旅遊接待協會主席梁耀霖，就取得三百八十七票，成功捲土重來，重返旅議會。
羅啟邦高票連任
今次旅議會改選中，羅啟邦以最高票當選，緊隨其後嘅就係香港國際青年文化交流中心董事總經理陳錦全，獲得三百九十七票，梁耀霖得票就排第三，而最後一人就係香港旅行社東主協會主席梁國興，有二百五十七票，以末席當選旅議會理事。
據知旅議會共有二十九名理事，其中八名選舉產生理事會於理事會隔年更替，因此前日係選出四名新理事。至於一直跟進港珠澳大橋旅客分流問題嘅香港旅遊促進會總幹事崔定邦等去年四名經選舉產生嘅理事，就因為「未夠鐘」換人而繼續留任喇。