三人橫屍公路旅巴乘客：停車一刻窗邊女客消失

蔡先生憶述旅巴左搖右擺，車廂內情況混亂。

而在機場任職保安員的姓楊女乘客，昨晨由樂富上車，上車後坐在尾五排。她指當時旅巴車速不算高，但駛至涉事路段時，不知何故突然急停，形容「唔知係避一避啲嘢，勁Dup（急停）！」跟着旅巴便猛撼的士，「撞咗成三、四下，我成個人直頭碌咗喺地下，副眼鏡都跌埋，隨即係咁搵眼鏡，成個人亂晒！」她是最後被救出的乘客，指出「因為有另一個女乘客傷勢好重，佢無晒反應，救護員於是救咗佢先。」

車速被指快 全車人大嗌

另有受輕傷的姓錢男乘客形容當時旅巴車速很快，指出「凌晨車通常都係快，撞車時亦唔覺有減速，突然間『嘭』一聲就撞咗！」他又稱，「撞車後全車人喺度大嗌！」很多傷者在等候救援，但秩序尚算良好。而坐在尾二排的姓何男乘客，在坪石邨上車後在途中睡着，意外一刻乍聞巨響驚醒，「一睜大眼就見到一片混亂，車廂熄晒燈！」他表示由於車程長，不少乘客都選擇睡覺休息，但認為當時車速與平時相距不大。

楊女士指旅巴曾急煞，導致她失平衡倒地。

旅巴車窗破裂，車身染有血漬。