電視劇集成日有穿越過去嘅情節，教育局嘅新建校舍設備清單估唔到都恍如「回到過去」，列出卡式收音錄音機、錄影帶、大牛龜電視同電動打字機等滿載集體回憶嘅器材。教育局近年大力推動STEM（科學、科技、工程及數學）教育，政府又話要搞創新科技，鼓勵用電子書，依家啲學生都拎住智能電話同平板電腦喇，但教育局就反其道而行保留埋呢啲「古代」器材嘅清單，完全唔與時並進，莫非楊潤雄唔想搞教育，想轉行玩復古？
