職場健康：手工具符人體工效 慳力免勞損

志文道：「阿剛，講笑咩邊有咁快風濕？畀我睇吓你平時點開工？」小剛說：「我哋呢行，日日都係靠士巴拿搵食o架啦，嗱你睇！」

工具設計彎曲

「我唔敢班門弄斧，但我相信你都一定同意人類嘅手係好靈活，能夠做出好多唔同嘅抓握動作。但係，如果工具未能適當配合手形，或工具操作不符合人體工效，工作效果會大打折扣，亦可能受傷或勞損。」志文說。小剛好奇問：「吓，人體咩話？」

「人體工效學﹙Ergonomics﹚係工作法則，目標係以操作者作中心，根據人體能力設計最適合使用嘅工作間、器材及工作方法，以提高生產力及工作效率，簡化工作程序及減少出錯甚至是發生意外機會。例如當我哋嘅手微向上屈時，抓握力係最大嘅，但當手掌向下屈或向兩旁彎曲，抓握力便下降。」志文解釋。

小剛再問：「咁點先知工具設計符唔符合人體工效？」

志文答：「美國國家職業安全衞生研究所出過唔少指引，提到工具重量、形狀、平衡、振動頻率係選擇手工具重要考量，而工具使用和設計其中一個重要人體工程學原理就係彎曲工具，而唔係手腕。」小剛明白了，並說：「原來係咁，以後做嘢一定要揀啲符合人體工效嘅手工具，慳力又冇咁容易令隻手勞損。」

職業安全健康局

www.oshc.org.hk