政情：公民講場：貧窮人口升不停 張建宗衰咗唔認

最新一份貧窮情況報告顯示，本港貧窮人口創新高，政策介入前嘅貧窮率達百分之二十點一，即每五個人之中就有一個窮人，政策介入後嘅貧窮人口亦首次突破百萬，其中，長者、在職及兒童貧窮人數全面上升，引起外界強烈批評政府愈扶愈貧。扶貧委員會主席兼政務司司長張建宗唔止唔認衰，仲反駁話貧窮人口增長幅度好小，有關計算方法亦唔全面，真係佛都有火。