近日朗思國際學校爆出涉嫌違規營辦中、小學課程，被當局勒令即時停課，一班學生即刻冇學返，搞到家長及學生無所適從。搞成咁，教育局被炮轟喺私校方面監察不足，局長楊潤雄承認當局巡查私立學校次數比直資及津貼學校少，仲話會吸取教訓檢討吓。近年香港愈嚟愈多國際學校成立，當局巡查頻率應該一視同仁。如果教育局一早着緊啲監管，就唔使搞到班學生同家長咁慘喇！
