政情：八網難逃：買到新鮮大鷹鯧 盧偉國勁開心
眾所周知，立法會工程界議員盧偉國（WK）愛入廚，屋企嘅「盧家私房」早前煮咗個菜式，係「欖角豆豉蒸鷹鯧」，食過嘅人都讚不絕口，事關最重要係條魚。佢尋日又去逛大埔墟街市，畀佢搵到條勁大嘅鷹鯧，有成五斤四両咁重，當然勁開心喇，又可以大快朵頤嘞！
網友大讚識食
唔少網友都讚WK犀利，竟然喺街市搵到條咁大嘅魚，又話睇魚鱗就知條魚新鮮。亦有網友直指WK真係識食，話鷹鯧魚肉質比較滑、少骨，仲倒轉教佢一個比豉汁蒸仲要更加好食嘅煮法，就係搵少少鹽醃成條魚，醃過夜再蒸，豉油都唔使落，話仲好食喎。咁咪要等多日先有得食，WK等唔等得切呀？
（互聯網）