政情：廚藝了得 彭徐美雲奪大獎
香港耀能協會主席彭徐美雲平日常以高貴大方嘅打扮示人，前兩日佢就展示出賢淑一面，大玩煮飯仔，仲煮得有板有眼兼拎埋大獎添！
大嘆味道同健康成反比
彭太就笑笑口話，佢平時都密密落廚，因為大仔Victor鍾意食又鍾意煮，對飲食好有要求。佢話廚藝會隨年歲增長而有進步，教大家要畀啲耐性慢慢學。彭太間唔中都會以「彭家廚房」嘅名義宴請朋友到家中作客，試吓佢手勢，朋友反應都唔錯，聽見都覺得吸引。不過，佢就大嘆味道同健康係成反比，好似近期就煮咗好啱家人口味，但絕對唔健康嘅墨魚豬肉囉！
當日活動上，彭太就與殘疾學員同家長合作，即場炮製腐皮卷，見佢手勢熟練，就知真係入開廚房無呃人，最後獲頒「最具色香味大獎」，真係實至名歸喇！